ຕອນ​ແລງວັນ​ທີ 16 ກຸມພາ 2022 ໜ່ວຍພັກທະນາຄານ​ນະ​ໂຍບາຍ ສາຂາ​ຫຼວງນ້ຳທາ ​ໄດ້​​ເປີດກອງປະຊຸມປະເມີນໜວ່ຍພັກ ປອດໃສ ເຂັ້ມແຂງ ໜັກແໜ້ນ ຄັ້ງທີ II ຮອບທີ II ປະຈຳປີ 2021 ຢູ່ທີ່ຫ້ອງ​ປະຊຸມ​ໃຫຍ່​ຊັ້ນ III ທນບ ສາຂາ​ຫຼວງນ້ຳທາ ​ໂດຍ​ພາຍ​ໃຕ້​ການ​ເປັນ​ປະທານ​​ ສະຫາຍ ສີ​ຟອງ​ ​ແກ້ວ​ກົງຕາ ​ເລຂາໜວ່ຍພັກ ຫົວໜ້າ​ທະນາຄານ​ນະ​ໂຍບາຍ ສາຂາ​ຫຼວງນ້ຳທາ ​ເປັນກຽດ​ເຂົ້າຮ່ວມມີ​ສະຫາຍ​ຕາງໜ້າ 3 ອົງການ​ຈັດຕັ້ງພັກຄື ​ໂຄສະນາ​ອົບຮົມ​ແຂວງ, ຈັດຕັ້ງ​ແຂວງ, ກວດກາ​ພັກ​ລັດ​ແຂວງ ​ແລະ ສະມາ​ຊີກສົມບູນ, ສຳຮອງ ​ເຂົ້າຮ່ວ​ມລວມທັງໝົດຈຳນວນ 18 ສະຫາຍ ຍິງ 5 ສະຫາຍ.

​ກອງ​ປະຊຸມ ສະຫາຍ ສີ​ຟອງ​ ​ແກ້ວ​ກົງຕາ ​ເລຂາໜ່ວຍພັກ ​ໄດ້​ຜ່ານ​ຮ່າງ​ບົດ​ປະ​ເມີນ​ຜົນ​ການກໍ່ສ້າງໜ່ວຍພັກ​ປອດໃສ ເຂັ້ມແຂງ ໜັກແໜ້ນ ຄັ້ງທີ II ຮອບທີ II ປະຈຳປີ 2021 ​ແລະ ​ວາງແຜນສູ້​ຊົນ​ປີ 2022. ຫຼັງຈາກນັ້ນ, ບັນດາ​ຜູ້​ແທນ​ກອງ​ປະຊຸມ​ກໍ່​ໄດ້​ຄົ້ນຄວ້າ​ປະກອບ​ຄຳ​ຄິດ​ ຄຳເຫັນຕໍ່​ຮ່າງ​ບົດປະ​ເມີນ​ຜົນ​ການກໍ່ສ້າງໜວ່ຍພັກ ​ປອດໃສ ເຂັ້ມແຂງ ໜັກແໜ້ນ ຄັ້ງທີ II ຮອບທີ II ປະຈຳປີ 2021 ເຊີ່ງດ້ານດີ ​- ດ້ານອ່ອນ ແລະ ປະເມີນຕີລາຄາຄະແນນ 5 ດ້ານດັ່ງນີ້:

1. ດ້ານການເມືອງ.
2. ດ້ານແນວຄິດ.
3. ດ້ານການຈັດຕັ້ງ.
4. ແບບແຜນວິທີການນຳພາ.
5. ຄວາມຮັບຜິດຊອບຕໍ່ໜ້າທີ່ການງານ.

​ພ້ອມ​ກັນນັ້ນ, ກອງປະຊຸ່ມເຫັນ​ດີ​​​ເປັນເອກະ​ພາບ​ນໍາ​ສະ​ເໜີຄະນະ​ພັກຂັ້ນ​ເທິງ​ເພື່ອຮັບຮອງ​ເປັນໜ່ວຍພັກ​ ປອດໃສ ເຂັ້ມແຂງ ໜັກແໜ້ນ ຄັ້ງທີ II ຮອບທີ II ປະຈຳປີ 2021. ກອງ​ປະຊຸມ​ໄດ້​ດຳ​ເນີນ​ໄປ​ເປັນ​ເວລາ​ເຄີ່ງ​ຕອນ ​ແລະ ​ໄດ້​ປິດ​ລົງ​ໃນ​ຕອນ​ແລງ 15:30 ​ໂມງ​ຂອງ​ວັນ​ດຽວກັນ.

ທີ່​ຫຼວງນ້ຳທາ, ວັນ​ທີ່ 17 ​ກຸມພາ 2022.